Tímalína hússins

Árið 2020 var blásið til keppni um kennileitishús við Vörðugötu. Forvaldar voru níu arkitektastofur til þess að mynda teymi arkitekta og byggingaraðila. Bæði Krads og Trípólí fengu boð um að taka þátt í keppninni og þar sem þessar tvær stofur deila skrifstofurými ákváðu þeir Kristján og Andri að setja saman teymi til þess að taka þátt. Þeir fá svo til liðs við sig listamanninn Egil Sæbjörnsson og byggingaverktakann Jens Sandholt.

Í júlí 2021 tilkynnir dómnefndin að sigurvegarar samkeppninnar séu Krads og Trípólí. Sigurtillagan er langur byggingarmassi sem er með mynstraðri steypu og mjög afgerandi litaskiptingu. Áframhaldandi þróun fór hins vegar fram þar sem stjórnendur samkeppninnar vildu ná því að setja húsið inn í form vörðu samanber nafn götunnar; Vörðugata. Úr varð að Kristján og Andri settu húsið inn í þríhyrning og við það varð til miðjurými með stórum þakglugga og einstaklega fallegum stigum.

Lokaútlit hússins er hannað og farið er í mikla rannsóknarvinnu á því hvernig væri best að vinna að listaverkinu á húsinu. Fundinn var aðili í Þýskalandi sem gat framleitt mottur til þess að steypa listaverkið á húsið.

Eftir að jarðvinnu var lokið byrjuðu framkvæmdir við húsið með því að 17. júní 2024 voru steypt svokölluð þrifalög en í því felst að steypt er undir undirstöður hússins.

Þann 12. júní 2025 var fyrsta hæðin steypt en það er gjarnan stór áfangi fyrir framkvæmdaraðila.

Þann 20. apríl 2026 var þakið steypt.

Eitt af einkennum hússins verður glæsilegur þakgluggi yfir stigahúsinu. Þann 8. maí 2026 var ramminn settur í og þarna sést þegar verið er að sjóða hann fastan.

Húsið var til sýnis á Hönnunarmars og hér má sjá bregða fyrir arkitektum hússins þar sem þeir segja frá hönnun þess.

Það eru ófá handtökin við að glerja húsið og var byrjað á því í maí 2026.

Í byrjun júní voru málaðar prufur af litum á steypta fleka þar sem mynstrið sem er á húsinu er til staðar. Til þess að listin og húsið njóti sín sem best er mikilvægt að finna rétta litinn.